Davao City – Kapin 900 ka mga pamilya o 2,000 ka mga indibidwal ang apektado tungod sa nasinatiang grabeng pagbaha sa nagkadaiyang parte sa Davao City human miawas na ang Davao River.
Nagbuntag ang mga apektadong mga residente sa mga evacuation sites tungod lubog sa baha ang ilang panimalay.
Sa interbyu sa RMN Davao kang City Disaster Risk Reduction and Management Office (CDRRMO) chief Alfredo Baloran, adunay reported floodings sa siyam ka mga barangays ang 5-A, Barangay 19B, areas sa Barangay Waan, Barangat Tigatto, Barangay Maa, Barangay 10-A, Barangay 76-A Bucana, Barangay Matina Crossing ug Barangay Lasang.
Tungod sa grabeng nasinatiang pag-ulan sa pila adlaw sa kabukiran kini maoy hinungdan sa pagsaka sa Davao River.
“Nagtaas ang tubig sa Suawan River gikan kini sa areas ng bandang Arakan boundary sa Marilog and Siao River nga gikan sa portions of Paquibato area, plus the Tamugan River nga nag-contribute pod siya’g tubig sa Davao plus katong kusog nga tubig nga gikan sa ibabaw na part ng Bukidnon. Nagkaroon ng volume ng water nahulog siya sa main tributary ng Davao River,” sumala niini
Sumala ni Baloran ang Barangay Tigatto ang ang badly hit sa nahitabo pagbaha.
Walay natalang missing, casualties ug landslide atol sa insidente.
Gi-deploy ang CDRRMO Rapid Disaster Assessment Team aron masuta kung adunay mga structural damages, damyos sa agrikultura ug naapektuhang mga hayop.
RadyoMaN Aimee Guinita
