TACLOBAN CITY – Ginpapabalik ha trabaho han Department of Public Works and Highways (DPWH) Regional Office 8 an 3,900 nga job order employees matapos madelay an approval han 2019 budget kun diin nawarayan hira hin trabaho ha pira kasemana.
Sumala kan Virginia Talde, DPWH Regional Administrative Division Chief, madepende pa ini ha regional director, district engineers ngan division heads kun igrerenew an ira kontrata han ngatanan nga workers nga na-employ han nakalabay nga tuig.
“There was no intention not to employ them this year. We’re only following department orders. It is possible that we will hire the same number of workers, but it depends on the need as determined by concerned officials.”
Dugang ha pamahayag ni Talde, waray pa timeline kun san-o makokompleto an proseso, madepende daw liwat ini kun kikinahanglanon na hira han buhatan.
Basi ha 2019 National Expenditure Program, mayada 86 high-impact projects an DPWH Regional Office 8 ngan may pondo ngan PHP9.29 billion nga kinahanglan ma-implement.
Mayada pa iba nga proyekto nga ginkakapatan an buhatan tikang ha Department Of Education for school buildings, Department of Trade And Industry for roads leading to industries, ngan Department Of Tourism for road access to tourism sites.
Naghatag hin go signal hi DPWH Secretary Mark Villar ngadto ha mga regional directors nga ig-renew an kontrata han mga job order workers.
Mababaruan nga damo nga J.O workers han DPWH Regional Office 8 an nagkatatanggalan hin trabaho tungod nga waray ipapasweldo an nasabi nga ahensya.
