TACLOBAN CITY – Purluminos 4,100 nga magturutdo an ginkikinahanglan han Department of Education ha Eastern Visayas agud mapun-an an mga panginahanglan ha kamaestrahan han kada schools division.
Ha 4,124 nga vacant position, 2,334 an kinahanglan ha Junior High School, 1780 ha Kindergarten ngan Elementary ngan 10 ha Senior High School.
Sumala kan Jazmin Calzita, Public Information Officer han Deped Region 8, tapos na an filling han application, selection o screening process han mga applikante ngan yana ginhuhulat nala an pagfinalize han mga permanent teaching positions.
Dugang pa han opisyal,ginlalauman nga ha masunod nga mga adlaw in magawas na an pinal nga listahan agud mapun-an na an kakulangan han mga ginkikinahanglan nga mga magturutdo ha kada eskwelahan.
