Sobra 700 nga pasahero ha Northern Samar port areas, na-istranded

90

NORTHERN SAMAR – Diri pa man naaabat iton kakusog han bagyong Ompong ha Northern Samar, istranded dayon an mga pasahero ha mga port areas han mao nga probinsya.

Ini man gud in kaparte han safety measures han mga otoridad para diri magbasol ha kaurhian.

Ha interview han RMN kan Provincial Disaster Risk Reduction and Management Office (PDRRMO) Head Rei Josiah Echano, igindidiri na an pagbiyahe han mga barko o bis ano nga transportasyon pandagat ha Northern Samar.

“Automatic po yun na pagnag-declare ng signal #1 ang Philippine Coast Guard, sila ang may authority na magdeclare.”

Dugang ha pamahayag ni Echano, sobra 700 an mga pasahero nga naistranded tikang ha Looc, Jubasan, ngan San Isidro Port Area nga tipakadto unta ha Manila o diin nga parte han Visayas ngan Mindanao.

Waray naman pabay-i han Local Government Unit (LGU) han Northern Samar an mga pasahero kun diin gintagan hin food packs samtang nga istranded la anay.

Samtang, gin-alerto na gihapon han Northern Samar Government an ngatanan nga munisipyo nga magin mabinantayon ha sugad hini nga panahon.

“Halos lahat ng Municipal Disaster Risk Reduction Office ay nakapaghanda na po.”

Gin-aabisuhan gihapon han PDRRMO an ngatanan nga pasahero o karuyag bumiyahe nga diri nala magpwersa pa kay ma-eestranded la pag-abot ha port area.

Facebook Comments