Sobra sa kinse milyones pesos (P15 million pesos) nga balor sa gidudahang shabu ang nasakmit sa kapulisan sa dakbayan sa sugbo atol sa gilusad nilang simultaneous buy-bust operations kagabii sa Sitio Clan, Barangay Labangon ug Barangay Calamba ning syudad .
Ang maong operasyon nga gipangulohan sa Drug Enforcement Group sa dakbayan ug City Intelligence Branch miresulta sa pagdakop sa usa ka Jun Dave Cantado gikan sa usa ka motel sa Brgy.Calamba human gialegar nga mihimo kini og transaction sa usa ka pulis nga nagpaka-aron-ingnon nga buyer .
Si Cantado nga giila isip high-value target nasakmitan sa kapulisan og usa ka gatos nga gramos sa gidudahang shabu nga mobalor sa 1.1 milyones pesos ug mitug-an sab kini nga nagsilbi siya isip runner ug mokuha og supply sa Labangon gikan sa usa ka “Rodel” .
Sa gihimong follow-up operation sa kapulisan, ni-resulta kini sa pagdakop kang Rodel Tampus kinsa giila nga poseur-buyer sa barangay labangon ug nasakmitan og laing kinse ka dagkong pakete ingon man medium pack sa gidudahang shabu nga motimbang og 1.2 kilograms nga mobalor og katorse milyones pesos (P14 million pesos) .
Apan si Tampus hugot nga mihimakak nga iya ang maong mga ilegal nga drugas ug miinsister sab kini nga dili siya drug dependent gani bukas pa pagpaubos sa usa ka drug test .
