Davao City – Dako ang pagtuo sa usa ka barangay official sa Barangay Lizada Toril ning syudad human nagpadayag sa iyang reaksyon nga dunay katumanan ang gipamulong ni Davao City Mayor Inday Sara Duterte Carpio atol sa iyang second State of the City Address kun SOCA gahapong adlawa.
Sa gihimong pakighinabi sa DXDC RMN Davao ngadto kang Brgy. Captain Remegio Licera sa Brgy Lizada Toril ning siyudad, miingon kini nga dako ang iyang pagsalig sa gipamahayag sa mayor nga dili siya pasagdan sa iyang amahan nga si President Duterte.
Giingon ni Licera nga matuman gayod ang mga gipanulti sa mayor sa hisgutanang imprastruktura, edukasyon ug uban pa nga panginahanglanon sa lokal nga panggamhanan.
Nagtuo si Licera nga iprayoridad sa presidente ang Davao ug dili niya pasagdan ug tagaan niya ug mga proyekto aron mas molambo pa ang dakbayan.
RadyoMaN Don Pulayao
