Davao City – Giklaro sa Commission on Elections (COMELEC) nga dili makalingkod ang mga midaug nga kandidato kung pakyas kining maka submitar sa ilang statement of contributions and expenditures (SOCE) o ang nagasto sa eleksyon.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag dili tanang kandidato ang naka-submitar sa SOCE sa ilang opisina human sa deadline sa pag-file sa SOCE niadtong June 13, 2019.
Segun ni Caballero nga tungod kay dili na mudawat ang ilang opisina human sa deadline sa pag-file sa SOCE, mamahimo lamang nila kining ipasa sa COMELEC main office, sa Manila.
“Since nag close na ang atong log book. Dili na ta receive dinhi sa atong mga opisina. So kung gusto sila mo-submit, didto na sila sa atong main office sa Manila. Ma-receive na sya pero naa na syay late filing. Magbayad na na sila,” saysay ni Caballero
Gikumpirma sa opisyal nga mag-atubang ang 1st offender og administrative penalty o multa ang mga pakyas nga naka-submitar sa ilang SOCE. Samtang mas taas nga multa alang sa kadtong kapila na nga nidagan apan wala mi-submitar og SOCE ug ingon disqualification sa pagtrabaho sa gobyerno.
RadyoMaN Kirby Manzon
