Roxas City, Capiz- Kutob na lamang sa Mierkules nga adlaw Hunyo 13 , 2018 ang ulihi nga adlaw nga sarang makafile sang Statement of Contribution and Expenditures ukon SOCE ang mga nagkandidato sa nagtapos nga Sangguniang Kabataan kag Barangay Election sang nakaligad nga Mayo 15, 2018.
Sa interview sang dyVR RMN-Roxas, una na nga ginsiling ni City Comelec Officer Atty. Joemar Betita nga base sa ila record, tuman ka gamay kumparar sa ginalauman ang mga nagfile sang SOCE.
Nahibaluan nga ang pag-file sang SOCE ukon Statement of Contribution and Expenditures ang isa sa mga requirements nga dapat i-comply sang isa ka nagdaog nga kandidato antes ini pormal nga makapungko sa pwesto.
Base naman sa guidelines sang Comelec, ginatugotan lamang nga maggasto sang lima ka pesos ang kandidato sa kada botante.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
