Davao City – Talagsaon nga tindahan ug mga produktong pang agrikultura ang makita sa Purok 6 Brgy Communal, Buhangin District kansang naila nga honesty store.
Ang honesty store walay nagbantay nga tindera ug adunay mga baligya nga mga abot sa kaumahan sama sa mga nagkadaiyang organic nga mga prutas.
Ang mga kustomer dili maglisud tungod kay ang matag produkto adunay naka sulat kun pila ang presyo sa buot niyang paliton.
Gumikan kay walay tindera o kahera, ang halin sa matag produkto ihulog sa kustomer sa payment box.
Dinhi masukod kun unsa ka matinud anon ang usa ka kustomer sa honesty store nga walay nagbantay ug bugtong mga mensahe sa bibliya ang sagad nimong mabasa nga nagtumbok sa imong konsensya.
Usa sa mga mabasa sa honesty store mao nga ang ilang security guard si Kristo Jesus.
RadyoMaN Erin Lumosbog
