Nagatanyag sang libre nga HIV testing ang city government paagi sa Social hygiene clinic sa Tanza, City Proper.
Mahimo maka-avail sang serbisyo ang sin-o man sugod- 8am-11 pm kun weekdays.
May libre man nga resting sa klinika nga tukuron sang city government sa SM Northpoint.
Pahayag ni Dr. Ma. Odeta Villareal Medical Officer IV sang City Health Office available ang resulta makaligad nga 40 minutos.
Ini nga serbisyo mahimo man maavail sa mga district health centers sang syudad.
May record ang DOH nga 1,904 ka HIV cases sugod sadtong 1986 tubtob Hunyo subong nga tuig.
Sa sini nga numero 505 gikan sa syudad sang Iloilo, 350 gikan sa probinsya sang Iloilo, 340 sa Bacolod, 338 sa Negros Occidental, 126 sa Capiz, 121 cases sa Aklan; 88 sa Antique, kag 36 sa Guimaras.
