SOCIAL PENSION | Madamo nga mga senior citizens, wala makabaton sang social pension sa Roxas City!

61

Roxas City, Capiz- May yara pa sang kapin sa 3, 200 nga kwalipikado nga mga senior citizens ang wala mapainan sang budget sang Department of Social Welfare and Development(DSWD) sa idalom sang social pension program sang gobyerno.
Ang mga ini ang nag-apply halin pa sang tuig 2015 tubtob 2017.
Ini ang kasunod sang ginpatigayon nga consultative meeting nga ginpangunahan nanday City Councilor Matty Viterbo kag Vice Mayor Erwin “Nonoy” Sicad kag sa mga grupo sang mga senior citizen sa syudad sang Roxas.
May kaangut sini, ginsiling ni City Councilor Viterbo nga nakapakig-angut na sila sa talatapan ni Senate President Tito Sotto III agud nga maaksyonan ang nasambitan nga bagay. Matapos nga mabaton ang amu nga concern, ginpasalig sang opisina sini nga talakayon ini sa budget hearing sang Senado.
Nahibaluan nga 4, 301 gid lamang sa subong ka mga senior citizens sa Roxas City ang nagabaton sang tig-1500 pesos nga assistance kada quarter sang tuig.
photo © Roxas City Information Center

Facebook Comments