Matod pa sa ahensya, bisan pa man nga makahatag og referral ang NCSC sa mga posibleng kwalipikadong benepisyaryo, ang tanang proseso sama sa validation, payout, ug monitoring anaa gihapon sa DSWD. Gi-awhag usab ang publiko nga moduol sa DSWD Field Offices kun sa Office of the Senior Citizens Affairs (OSCA) alang sa paspas nga proseso sa tabang.
Sa karon, nagpaabot pa gihapon ang NCSC sa pormal nga turnover sa SPISC ug magasunod kini og anunsyo aron masiguro ang hapsay nga komunikasyon sa tanang stakeholders. Subay niini, padayon ang komisyon sa pagtuman sa mandato ilawom sa RA 11350, apil na ang pagpanguna sa Expanded Centenarians Act (ECA).
Gihangyo usab sa NCSC ang publiko nga motan-aw ug maminaw sa opisyal nga mga pahibalo gikan sa komisyon aron makakuha og tukma ug kasaligan nga impormasyon kabahin sa mga programa ug serbisyo alang sa mga senior citizens.
RadyoMaN Wil Duran
