SOCO INVESTIGATION | Multiple gun shot wound, gintunaan sang kamatayon ni PB Remia Gregori suno sa SOCO, pila ka bala sang 45 kalibre nga pistol kag 9 mm, narecover sa ginluntaran sang insidente

Nakaagum sang multiple gun shot wound sa iya dughan, likod kag siko si Bakhaw Punong Barangay Remia Gregori matapos gin-ambush kaina sang hapon sa ila beach resort sa Barangay Igcadlum, San Joaquin, Iloilo.

Ini ang ginpahayag ni Police Chief Inspector Hilario Roga sang Scene of the Crime Operative ukon SOCO.

Suno kay Roga nga igapaidalum pa sa autopsy ang bangkay ni Gregori agud matumod kon ano nga kalibre sang armas luthang ang nag-igo diri nga gintunaan sang iya kamatayon.

Samtang, ginpahayag ni Roga nga nakarecover sila sang tatlo ka basiyo sang 45 kalibre nga pistola sa ginluntaran sang insidente lakip na ang anum ka basiyo sang 9 mm pistol.

Indi pa matumod suno sa iya kon pila ka mga armas ang gingamit sa pagluthang kay Punong Barangay Gregori.