SOCO report han nahinabo nga ambush ha Abuyog, gumawas na

2413

TACLOBAN CITY – 77 nga basyo han bala han armalite rifles an narekober han Scene Of the Crimes Operatives (SOCO) ha nahinabo nga ambush incident ha Brgy. Cadac-An, Abugog Leyte dida han lunes.

Ha nagawas nga report han SOCO, ha butnga lumingkod han passenger seat hi CSSupt. Geraldo Aro, ha left side niya in hi CO1. Randy Pantano ngan ha right side ni Aro in hi CO3. Jelanie Almario.

Ha driver seat naman in hi CO3. Nelson Padagdag ngan hi LRP Personnel Uldarico Mortezo.

Ha interview han RMN kan PSupt. Albert Renomeron, tagapagyakan han Leyte PNP, nakareturn fire pa gamit an 9MM nga pusil hi CO1. Pantano ngadto ha mga suspek nga nagpa-uran ha ira han bala.

“Basi han istorya nira Mortezo, an nakareturn fire ini hi Pantano ini hiya an namatay on the spot an ada ha left side ni Aro.”

Basi ha SOCO report, mayada duha nga suspek an gumawas ha van ngan humirani ha behikulo nga ginsasakyan nira Aro ngan didto na ginpamumusil an mga biktima.

Han gin-alihan hira hin van, tumago hi LRP Personnel Mortezo ha ilarom han gilid han iya lingkuran sanglit nga waray gud hiya kapuruhi.

Samtang, hi CSSupt. Aro naman in naka-angkon hin 5 nga bala nga igo ha iya lawas.

“Mayada hiya igo nga lima, mayada usa ha dughan,ha liog tapos mayada ha tiil pero lima ini nga iya igo.”

Dugang ni Renomeron, maupay man gud an kabutangan ni Aro amu nga waray gud hira kapuruhi hin duro.

Ngatanan nga anggulo ginkikita yana han mga otoridad para han ira imbistigasyon pati na daw an kalabutan han illegal nga droga .

“Basi han ginbuhian niya (Aro) nga statement work related daw pero ginkikita pa naton ito kay ngatanan nga anggulo ginkikita naton yana.”

Stable na an kabutang yana nira CSSupt. Aro ngan hi Mortezo nga nagpapa-upay ha usa nga hospital han Tacloban.

Facebook Comments