Davao City – Gipaboran sa mga konsehal sa atong syudad ang laraw ni Pres. Rodrigo Duterte nga SOGIE (Sexual Orientation and Gender Identity and Expression) Equality Bill kun ang Anti-Discrimination Bill (ADB).
Sumala ni Councilor Javi Campos, kinsa usab proponent sa pride lane nga gimontar kaniadto sa Brgy. Agdao, panahon na aron marekognisar ang katungod sa mga membro sa LGBTQIA+ community.
Matud niini nga pipila man ang mu-kwestiyon sa importansya niini ilabi na diha sa social media, mibarug kini nga kinahanglan usab kining tukion gumikan dili lamang kini mulo sa Pilipinas apan usab sa internasyunal nga hisgutanan.
“On my end I’ll be sure to be consulting with Cong. Vincent Garcia to help them in the congress as well,” segun niini.
Alang usab kang Councilor Lea Librado, Vice Chairperson sa Committee on Human Rights sa pagpatukod og komisyon alang sa LGBTQIA+ community aron mas mahatagan og tagad ang ilang mga mulo.
Samtang gikanyon ni Librado nga ginaprotektahan na sa gobyerno ang maong komunidad sama na lamang sa ginadusong Anti-Discrimination Bill ingon man ug duna nay mga ahensya nga mibarug alang kanila apan kinahanglan usab nga mapasabot sa katawhan ang mga gipangpanday nga balaud.
“Mas i-educate nato ang tao ug unsa ang plastar sa ila kung unsa gayud ang kaayuhan para sa LGBTQ sa pagpush some more pa sa ilahang existing nga mga balaud,” ingon sa konsehala.
RadyoMaN Jason Amisola
