Davao City – Daku na unya ang kausaban sa definition sa usa ka pamilya panahon nga mapasar ang ginadusong Sexual Orientation, Gender Identity and Expression (SOGIE) Equality Bill.
Sa exclusive interview sa radio social commentary program ‘Straight to the Point,’ gibutyag ni Ptr. Norman Molinos sa Family Life Philippines nga dili niini buot magkahuyang ang pamilya diin dunay ginatawag nga inahan ug amahan gani mamahimo kining muresulta usab sa pagkahuyang sa katilingban.
“Wala nay si Nanay ug Tatay apan mahimo nang si Nanay ug si Nanay ug si Tatay ug si Tatay, so mausab na ang atong definition sa pamilya ug daghan ang maapektuhan niini.
“We know that (the) family is the basic unit of society,” segun ni Molinos.
Pagpasabot niini nga dili angayan ang maong balaud gumikan usab sa mga probisyon sama sa dili pagbuot sa pamilya sa gender panahon nga mahimugso ang usa ka bata, pagkabilanggo sa mga religious leaders kung matandog ang katungod sa usa ka miyembro sa LGBT ug uban pa.
Subay niini, gi-awhag ni Molinos ang katawhan nga mo-partisipar ug makighiusa sa ilusad nga Dawn Prayer Assembly sa may Rizal Park alas-5:00 ngadto sa alas-7:00 sa kabuntagon karong Lunes, Setyembre 30, 2019.
Subay niini nga Davao dawn prayer assembly, himoon usab sa kaulohan ang identifical mass action aron ipanawagan ug ipadayag ngadto sa mga magbabalaud ang pagbabag sa publiko sa buot ipasar nga proposed legislations.
RadyoMan Jason Amisola
