Dumalag, Capiz- Natiphag ang bahin sang duta sa kilid sang karsada sa Sitio Mohon Brgy. Sta. Rita, Dumalag, Capiz.
Alas 11:33 sang aga sang Hunyo 3, 2018, sang nag-impormar si Punong Barangay Aida Foscablo sang Brgy. Sta. Rita Dumalag, Capiz sa opisina sang local MDRRMO sa amo nga banwa.
Insigida nagpadala sang heavy equipment ang lokal nga pangulohan sang amo nga banwa kag sa bulig sang Dumalag Response Team sang MDRRMO-Dumalag kag DRRM Youth Warriors, natigayon nga makuha ang dalagko nga mga tipak sang duta kag mga bato nga natiphag sa kilid sang dalan.
Matapos ang clearing operation, alas 2:45 na sang hapon sang liwat nga ginbuksan para sa tanan nga sahe sang salakyan ang nasambitan nga dalan.
May kaangot sini, gin-alerto naman sang amo nga ahensya ang tanan angut sa posible nga pagluntad sang soil erosion dala sang serye sang pag-inulan.
(c)- MDRRMO Dumalag photo
