ILOILO CITY – Ginaplano sang city government nga i-convert ukon maggamit na sang solar sa mga streetlights sang kabarangayan.
Katuyuan sini nga malikawan ang insidente sang mga sunog.
Suno kay City Mayor Jose Espinosa III nakasugilanon na sya sa PECO nga maggamit sang solar power sa baylo nga maggamit sang electrical cable sa pagpasiga sang mga streetlights.
Ini ang ginpahayag ni Espinosa sang nagrelease ang syudad sang financial assistance sa mga nasunogan sa Brgy. Melliza-zamora City Proper.
Isa sa nangin rason sang sunog amo ang short circuits bangud sang pagkawat sang kuryente sa linya sang streetlights.
Sa ti-on nga solar na ang mga streetlights indi na makawat ang supply sang kuryente.
