Pagadian City – Malampuson nga napahigayon dinhi sa syudad sa Pagadian ang Solidarity Walk and Peace Covenant Signing pinaagi sa personahe sa Zamboanga del Sur Police Provincial Office, Commission on Elections ( Comelec) Zamboanga del Sur ug religious groups niadtong sabado sa buntag.
Tumong niini mao nga mapakita sa katawhan sa syudad ug probinsya nga dili gubot nga eleksyon ang ilang tinguha.
Ang maong solidarity walk gitawag usab og Ugnayan Ng Simbahan At Pulis kun (USAP) nga gisalmutan sa mga managlahing tinuohan sama sa Muslim, Kristiyanos, ubang religious groups, ug uban pang sektor sa komunidad.
Sumala ni Atty. Jed Labador ang City Comelec Officer, nga high lights sa maong aktibidad mao ang Ceremonial Signing Peace Covenant nga gisalmutan usab sa mga kandidato sa lokal ug pang-probinsyal nga posisyon.
Tumong usab sa kalihukan nga kondenahon ang tanang terror activities ug i-ampo ang kamalinawon sa umaabot nga eleksyon sa Mayo.
