Davao City – Nanawagan karon ang Philippine Institute of Volcanology and Seismology (PhiVolcs) ngadto sa mga Local Government Units (LGUs) sa earthquake-affected areas sa Davao del Sur nga ipailawom usa sa makuting pagsusi sa ilang mga structural engineers ug building experts ang tanang mga balay ug gambalay nga nakasinati sa unang kutay sa pagtay-og kung mamahimo pa ba kining gamiton or dili na.
Sumala ni PhiVolcs Director Undersecretary Renato Solidum, dili mahibaw-an kung kanus-a mahitabo ang sunod nga mga pagtay-ug ingon man makahatag og dakung damyos moresulta unya sa daghang kinabuhing makalas.
Gikumpirma ni Solidum nga ang Tangbulan Fault nga naglatas sa lalawigan sa Davao Del Sur maoy nilihuk kagahapong adlawa.
Matud ni Solidum, ila pang ginasusi karon kung ‘stress transfer’ ba nga scenario ang nahitabo sanglit una nang gilinog ang kasikbit nga Tulunan Faultline sa North Cotabato area.
RadyoMan Bernard Pantallon
