Un 14-año de edad solterito quien ya sale perdido despues ya lleva conele el maga grande-grande marijada mientras ta baña na aplaya del Caragasan, Maasin del Miercoles, ya encontra muerto enantes aga na cantoy mar del Purok 11, Sinunuc.
El victima amo si as Nashtreen Isduri Sanggaan, de Kasulutan, Sta. Catalina.
Con Nashtreen ya conose mismo su nana si Elina quien ya anda na lugar donde conele ya encontra.
Asegun na imbestigacion del pulis ta aparese del Miercoles aga si Nashtreen junto consu entero familia ta baña na aplaya de Caragasan amediante ta celebra estos con el Panulakbala o el St. John cuando ya pega conele el maga grande-grande marijada hasta ya sale este perdido.
El incidente ya reporta tambien con el maga miembro del Philippine Coast Guard mientras dayun ya comensa el embuscada con este hasta por ultimo el cuantos residente del Purok 11 na Sinunuc ya columbra consu cuerpo ta man lutao na cantoy mar banda alas 5:30 enantes aga.
