Soltero nakuryente, patay; granada kag armas nakuha sa negosyante paagi sa raid

34

Calatrava, Negros Occidental–   Wala na natabangan pa ang 14 anyos nga solterito matapos nga nakuryente sa banwa sang Calatrava.    

Si Arnold Martinez sang Barangay Calampisawan, Calatrava ang nagsag-ob sang tubig las 8:30 ang takna kagab-i sang  nakadanlog ini kag nakatandog sa poste sang Northern Negros Electric Cooperative ukon NONECO sa diin may nakasablay nga live wire.  

Gindala pa si Martinez sa Calatrava District Hospital apang gindeklarar nga patay.

Sa pihak nga bahin,  mga armas,  ginatos ka mga bala kag  hand grenade ang na recover sang mga katapu sang Regional Special Operations Task group sang gin-raid ang balay ni Malvin Rebaya, 47 anyos ang edad sang Barangay Look, Calatrava, Negros Occidental  base  sa search warrant nga gin-isyo ni Judge Amy Arevalo.

Nakuha sa posisyon ni  Rebaya ang isa ka hand grenade, 45 caliber pistol nga may duha ka magazine, masobra 200 ka mga bala sang 45 calibre nga pistola kag 38 caliber nga may lima ka mga bala.

Si Rebaya ang isa man ka kilala nga negosyante sa banwa, detained karon sa Calatrava Police Station. /dyHB-Bacolod

 

Facebook Comments