Soltero nga taga Binalbagan galantaw hiphop sa Bacolod, gintiro patay

BACOLOD CITY – Patay ang isa ka soltero samtang nagalantaw sang isa ka hiphop event sa Bugitlog, Purok St. Joseph, Barangay 37 la 1:50 kaina sang kaagahon, Huwebes Santo.

Nakilala ang biktima kay Gregor Jimena, 24 anyos sang Llamas St., Barangay San Pedro, Binalbagan.

Sa imbestigasyon, gulpi lang sumulod sa lugar ang suspek nga nakilala kay John Pasco sang Barangay 2, Bacolod City upod ang iya grupo kag gintiro ang biktima makapila ka beses.


Patal nga pilas sa ulo kag dughan ang naagom ni Jimena nga gintunaan sang iya gilayon nga kamatayon.

Gintinghuwaan pa ini nga marevive sang Bacolod City DRRMO apang wala na ini nagaginhawa rason nga ginpatawgan nalang sang SOCO.

Narecover sa crime scene ang duha ka baseyo kag bala.

Gindala naman sa Alisbo Funeral Homes ang biktima samtang nagpalagyo naman ang mga suspek.

Facebook Comments