Soltero patay matapos luthangon sang duha ka suspek

*Soltero patay matapos luthangon sang duha ka suspek*
Dead on arrival ang isa ka soltero makaligad nga luthangon sang duha ka suspetsado alas 10:20 sang nagligad nga gab-i sa National Highway, partikular na sa atubangan sang Mirabueno Farm, Barangay Crossing Palkan, Polomolok, South Cotabato.
Ginkilala ang biktima kay Michael Erik Madrona Rondero, 27anyos, soltero empleyado sang Rell and Renn Fishing, residente sang Fernandez Subdivision, Barangay Cannery Site sa nasambit nga Banwa.
Suno sa imbestigasyon sang Polomolok PNP, ginabaybay suno pa sang biktima ang dalanon sakay sa iya Kawasaki Rouser nga motorsiklo, nagaduag sang itom kag pula may temporary nga plaka 1201-17928 halin sa Syudad sang Koronadal, padulong sa Banwa sang Polomolok, apang pag-abot sa lugar nga gintabuan, duha suno pa ka lalaki ang nagbalabag sa iya dalan kag ginluthang ang biktima sang pipila ka beses.
Bangud sa insidente, nakaangkon igo ang biktima sa idalom sang wala nga talinga kag dughan nga nangin tunaan sang iya hinali nga kamatayon.
Pasimpli naman nga nagpalagyo ang biktima samtang nagapanglakaton sa madulum nga bahin sang nasambit nga lugar.
Narekober naman sa gintabuan sang krimen ang isa helmet, celpon, backpack, motorsiklo nga ginsakyan sang biktima kag apat ka basiyo sang calibre 45 nga armas luthang.
Ginpaidalom naman sa ballistic kag cross matching examination ang nakuha nga basiyo samtang sa Anti Cyber Crime Group naman ang celpon sa Regional Crime Laboratory Office 12.