Davao City – Usa ang krimen sa syudad ang gusto sa pipila ka Davaoeños nga madungog o matuki ni Davao City Mayor Sebastian “Baste” Duterte sa iyang State of City Address (SOCA) alas 2:00 sa hapon karong adlawa, July 28, 2023.
Kumento sa Davaoeño nga si Jun Villamor nga dili siya satisfied sa pagdumala ni Mayor Baste sa dakbayan ilabi tungod sa sunod-sunod nga mga insidente.
“Di gyud mi satisfied sa iyang pagdumala sa Davao. Murag sa waay lang sa iya ang mga panghitabo,” kumento ni Villamor.
Samtang, matud sa netizen nga si Maynard, hagit alang sa alkalde ang mga panghitabo ug positibo siya nga kaya kini nga solusyonan sa tabang ug kooperasyon sa Davaoeños.
Masaksihan ang SOCA sa Facebook page sa City Government of Davao samtang aduna usay imontar nga LED wall sa Rizal Park sa dalang San Pedro alang niadtong gusto mutan-aw sa SOCA sa batang Duterte.
RadyoMaN Kirby Manzon
Facebook Comments
