Ginpaathag sang hydrologist nga si Engr. Ed Manaay kon nga-a nagasuprer ang pungsod Pilipinas sang krisis sa tubig kon tig-ilinit apesar nga bastante kita sa tubig kon tig-ululan.
Isa sa gintumod nga rason ni Engr. Manaay amo ang pagkaguba sang watershed areas kon sa diin indi na maka-hold ukon maka-tipon sang tubig sa tion sang tingulan.
Suno kay Manaay nga indi rason sang water crisis ang privatization sang water utilities kasubong sang pahayag sang mga mamalidha.
Suno sa iya ngfa dapat lantawon sang gobyerno ang technical perspective kon ano ang kabangdanan kag solusyon sa nasmabit nga problema.
Ginalantaw ni Engr. Manaay nga solusyon amo ang pagkay-o sang watershed pinaagi sa pagpananum sang madamo nga kakahuyan.
Magluwas diri amo ang pagtukod sang mini-impounding dams ukon catchments kon sa diin magadiretso ang tubig ulan kag matipon nga mahimo magamit sa tion sang tingadlaw kag kon may el niño phenomenon.
Mahimo ini suno kay Manaay kon may technical kag political will ang gobyerno kag paagi sini, indi na makaexperiensya sang water crisis ang pungsod.
