Davao City – Walay plano si Davao City Mayor Sara Duterte-Carpio nga personal nga mosaksi sa State of the Nation Address (SONA) ni Presidente Rodrigo Duterte sa July 27, 2020 sa kaulohan.
Matud ni Davao City Mayor Sara Duterte-Carpio, dili na niini buot mopailawom sa RT-PCR test og mubalik na dinhi sa syudad sa Davao ingon man quarantine.
“Wala kay wala koy plano magpa RT-PCR test pagbalik diri sa Davao City. Pagbalik nako diri, ma home quarantine ko og 14 days, that is not something na I want to do again. Dili na siguro karon panahon sa COVID-19 pandemic,” sumala sa mayor.
Bisan pa man, gi-awhag sa alkalde ang publiko nga maminaw ug mu tan-aw sa SONA sa pangulo aron mahibalo ang nahisgutan sa nahimong lihok karon sa nasudnong gobyerno o sa kasamtangang administrasyon.
RadyoMaN Kirby Manzon
