Davao City – Nahatagan matud pa og igong pagtagad ni Presidente Rodrigo Duterte ang edukasyon sa iyang 5th State of the Nation Address (SONA) kagahapong adlawa, July 27, 2020.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga giprayoridad sa presidente ang kaugmaon sa mga kabataan labi na sa pagpangita’g pamaagi kung unsaon nga mapadayon ug matunol ang edukasyon kanila luyo sa gi-atubang karong COVID-19 (Coronavirus Disease 2019) pandemic.
“Nalipay ta’g dako kay ang administrasyon pinaagi sa atong halangdong presidente (Duterte) is really into the good of all the children and then isa sa mga gina punto niya mao gayud kadtong pagtunol sa mga leksyon gamit ang mga facilities like radio and television (TV),” saysay ni Atillo.
Positibo si Atillo nga ma-realisar ang pamahayag sa pangulo nga i-prayoridad niini ang pagmontar og ‘satellite connections’ sa mga lagyong eskwelahan labi na kadtong walay mga kuryente aron nga mapadayon ang ilang pagtuon niining panahon sa pandemic.
RadyoMaN Kirby Manzon
