Davao City – Nanghinaut si Davao City Mayor Sara Duterte-Carpio nga mahisgutan ni Presidente Rodrigo Duterte sa iyang State of the Nation Address (SONA) alas-4 karong hapon ang mga nag-unang problema nga gi-atubang sa nasud.
Sa interbyu sa alkalde, naglaum kining mahisgutan ang kasamtangang estado sa nasud ug pa-unsa ang masulbad ang nag-unang problema labi na gyud sa COVID-19 (Coronavirus Disease 2019).
“Ang expectations nako sa State of the Nation Address sa atoang President Duterte will be an account of what is happening in our country and what we are trying to do to address all the issues and challenges karon sa atoang nasud and the pandemic on top of everything, and kung unsay plano for the next year para sa atoang nasud,” segun sa mayor.
Samtang, gilauman na sa alkalde nga adunay mga magpahigayon og rally dinhi sa syudad diin andam na ang Freedom Park alang sa ilang aktibidad. Naka alerto usab karon ang Davao City Police Office (DCPO) aron masigurong masunod ang health protocol batok COVID-19 sama sa social distancing.
RadyoMaN Kirby Manzon
