Pormal nang gibuksan karon ang Third Regular Session sa 17th Congress pinaagi sa tagsa-tagsa ka mga deliberasyon sa duruha ka mga kamara sa balay-balauranan sa Pilipinas.
Sa Senado, subling gibandilyo ni Senate Pres. Vicente ‘Tito’ Sotto ang mga nahimo ug buhaton pa sa taas balay-balauranan samtang didto sa House of Representatives, gibatbat usab ni House Speaker Pantaleon Alvbarez ang mga nakab-ot sa ubos balay-balauranan ilawom sa iyang liderato.
Ug sama sa gilauman, gidalikyatan ni Alvarez ang iyang posisyon alang sa pag-usab sa 1987 Philippine Constitution pinaagi sa pag-amendar sa atong presenteng porma sa panggobyerno gikan sa presidential-bicameral ngadto sa presidential-federal form of government.
Hangtod ning mga orasa sa atong pagsibya, nilanog sa gihapon ang huhungihong nga legislative coup kun overhaul diin atol sa plenary, adunay mobarug aron ideklara ang tanang mga posisyon nga bakante aron makalingkod si former President ug incumbent Pampanga Congresswoman Gloria Macapagal-Arroyo.
Adunay inpormasyon nga ang ouster sa lider sa camara baja tinukmod sa mga posisyon niini nga gilantugian mismo sa iyang mga kakaubanan sa House.
Usab bag-ohay pa lamang, na-ratipikahan na sa Senado ang kontrobersyal kaayong Organic Law of the Bangsamoro Region aron ma-pirmahan na kini ni Pres. Duterte nga usa na ka balaud una pa man mamulong ang pamuno-nasud.
RadyoMaN June Duterte
