Davao City – Angayan lang gamitan sa Long Range Acoustic Device (sonic weapon) ingon man water cannon ang mga raliyesta tungod sa bayolenteng pamaagi sa ilang pagpasibaw panahon sa ASEAN Summit.
Sumala ni Philippine Information Agency (PIA-XI) director general Efren Elbanbuena, dili maayo ang gihimo sa mga militanteng grupo niadtong nagpahigayon sila og rally samtang gihimo ang ASEAN Summit tungod sa presinsya ni US President Donald Trump.
Samtang giklaro usab ni Elbanbuena nga ang paggamit niini nga matang sa paagi depende sa sitwasyon kung dili ba bayolente ang gihimo sa mga raliyesta.
Pabor ang director general sa PIA-XI sa paggamit gihapon sa water cannons, tear gas, rubber bullets ug uban pang traditional anti-riot measures tungod kay dili man kini makamatay ug epektibo kini nga paagi sa higayong mograbe ang sitwasyon.
RayoMaN Bernard Pantallon
