South Cotabato 1st district deputy governor ginlabo, ginaaligar suspek patay.

20

Pilason ang deputy governor sang 1st district sang South Cotabato matapos lab-on sang isa ka persona nga may-yara sang problema sa panghunahuna sa Sitio Glandang, Brgy. Kablon, pasado alas 10:00 kagaina sang aga.
Suno kay Police Capt. Jun Rey Gatera, chief of police sangTupi MPS nagsulod si Joey Dawang, 61- anyos sa Matutum Blooms Cafe and Flower Farm nga ginapanag-iyahan ni deputy governor Arnold Guerrero nga wala sang pahanugot.
Base sa ila imbestigasyon suno kay P/Capt Gatera may pagbaisanay nga nagluntad sa tunga sang duha nga naglab-ot sa punto nga ginlabo ni Dawang si Guerrero.
May-angot sini, ginluthang naman ni Guerrero gamit ang kalibre 45 nga armas luthang si Dawang nga nangin tunaan sang kamatayon sini tungod sa naangkon nga igo sang bala.
Nakaangkon naman sang pilas si Guererro sa wala nga abaga sini nga padayon naman nga nagapaidalom sa medikasyon.
Sa subong suno kay Gatera padayon ang ila nga imbestigasyon kon bala lisensyado ang armas luthang nga gingamit ni Guerrero.

Facebook Comments