Manubo sang 78 porsyento ang narekord nga kaso sang firecracker-related injuries sa South Cotabato tungod yara lang sa 6 ang nabiktima base sa datos sang Provincial Epidemiology and Surveillance Unit sang Integrated Provincial Health Office halin Disyembre 13 tubtob kahapon nga adlaw alas 10:00 sang aga.
Yara naman sa edad nga 10 –anyos tubtob 29-anyos ang nabiktima sang palupok nga halos tanan mga lalaki. Lima ukon (84%) sang kaso ang direkta nga naggamit sang palupok .
Samtang apat naman ang nabiktima sang illegal nga klase sang palupok nga isa sa Flying tiger, 1 sa Pla-pla kag duha naman sa Boga, samtang duha naman ka mga biktima ang nalukpan sang fountain kag kwitis nga lunsay legal nga klase sang firecrackers.
Sa datos, ang Koronadal City kag Banga ang may duha ka kaso sang firecracker related injuries kag tig-isa naman ang kaso sang Surallah kag Norala.
Tatlo naman sa mga biktima ang nakaangkon sang eye injury kag tatlo man ang nakaangkon sang paso nga lunsay mga outpatient.
Narekord ang pinakauna nga kaso sang firecracker related-injuries sa South Cotabato sang Disyembre 13, 2020.
Wala naman sang nareport nga napatay tungod sa firecracker injury kag wala man sang nabiktima sang stray bullet.
