South Cotabato nakabaton sang 23K doses sang Johnson & Johnson vaccine.

39

Nakabaton sang 4,600 vials sang Johnson & Johnson’s Janssen vaccine nga katumbas ini sang 23,000 doses nga SINGLE-DOSE vaccine batok COVID-19 ang South Cotabato.
Suno sa pamunuan sang Department of Health 12 ang bakuna ang para sa mga senior citizens (A2) kag persons with co-morbidity sa geographically isolated kag depressed areas subong man OFW`s.
May-angot sini, base sa datos sang South Cotabato Integrated Provincial Health Office nakabaton sang Janssen vaccine ang Banga sang 530 vials (2,650 doses), Lake Sebu – 347 (1,735), Norala – 329 (1,645), Polomolok – 730 (3,650), Sto. Niño – 275 (1,375) , Surallah – 326 (1,630), Tampakan – 240 (1,200), Tantangan – 291 (1,455) , Tboli – 394 (1,970), Tupi – 468 (2,340) kag Koronadal City – 670 (3,350)
Samtang, base sa direktiba sang DOH 12 ibakuna ang Janssen vaccine sa mga target nga benepisyaryo bag-o ang Hulyo 31.

Facebook Comments