South Cotabato nakarekord na sang pinakauna nga kaso sang COVID -19.

23

Nakarekord na sang pinakauna nga kaso sang nagpositibo sa coronavirus disease 2019 ukon COVID-19 ang South Cotabato base kumpirmasyon ni Provincial Health Officer Dr. Rogelio Aturdido Jr.
Ang nasambit nga pasyenti ang 53-anyos nga lalaki nga taga-banwa sang T`boli kag nag-abot sa probinsya sang Marso 16 halin sa Metro Manila. Apang sang Marso 18 subong nga tuig nagpaadmitir ini sa hospital tungod sa ubo kag lagnat.
Samtang sa subong yara naman suno pa sa maayo nga kondisyon ang pasyenti kag nagapabilin nga nakaself -quarantine umpisa sang nakaggwa sa ospital.
Apela naman ni Dr. Aturdido sa mga pumuluyo nga mangin kalmado kag indi magpanic sa pihak nga may nagpositibo na sa COVID-19 sa probinsya tungod nakaaksyon naman ang .local government kag nacontained na suno pa.
Ginkumpirmar man ni Dr. Aturdido nga gin-umpisahan naman ang contact tracing sa mga nakaupod sang pasyenti sa barko halin sa Metro Manila padulong sa Cagayan de Oro kag nagsakay naman sa bus padulong dire sa Koronadal kag nagsakay man sa van padulong sa banwa kag pagpauli suno pa sa ila nga balay nagsakay ini sa tricycle.
May-angot sini, ginaawhag sang Provincial Health Officer ang mga pumuluyo sa probinsya nga ipatuman gid ang social distancing kag magtinir na lang sa balay kadungan sang ginapatuman nga enhanced community quarantine kag calibrated total lockdown.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments