TACLOBAN CITY – Bumisita utro an usa nga opisyal han South Korean Army dinhi ha probinsya han Leyte matapos an lima katuig nga hiya in personal nga bumulig ha mga tawo nga nabiktima han 2013 Super Typhoon Yolanda.
Nahipausa hi Col. Lee Chul Won ha mga lugar nga iya nakit-an hadi nga yana in maupay na an nagin resulta.
Iya ginbisita an mga eskwelahan nga ira gin-ayad.
“I am extremely proud to see that the region has overcome the typhoon and is continuing its development,” sumala kan Lee ha interview han PNA.
“The sight of the Leyte citizens welcoming us with a smile brought joy to my eyes. We remember your goodwill and kindness throughout our deployment. Your immense support ensured that we operated and returned to our country with no casualty,” he added.
Durante han iya pagbisita dida han huwebes ngan byernes, Marso 28-29, ginkadto ni Lee an 13 ha 37 nga eskwelahan ha Dagami, Tanauan, Palo, ngan Tacloban City nga ira ginpan-ayad.
Nagdistribwer gihapon an South Korean Military official hin financial assistance ha 10 nga pobre nga estudyante ha kada eskwelahan nga iya ginbisita pati na gihapon an mga school principals.
“I was so happy to see all of you studying in the school we have rebuilt,” Lee said. “Follow the lessons of your teachers and concentrate in your studies. Be great students, contributing to the Philippines and the whole world.”
Nahinumdom gihapon hi Lee ha ira pagbulig ha mga tawo ha leyte matapos an “Yolanda”.
Upod ni Lee ha iya pagbisita an iya anak nga hi Korean Actress Lee Jia, Korean Embassy Counselor Kim Jang Hyun, Retired Brig. Gen. Kim Bonghwan, Korean Parliament General Director Sin Dong Un, ngan iba pa nga opisyales.
Pira kaadlaw matapos an Super Typhoon Yolanda dida han 2013, nagpadara an South Korean Government hin 540 nga kasundaluhan para bumulig ha aton.
Hira in nakagtindog hin 67 building apil na an 37 nga eskwelahan ngan 8 nga hospital. Nagdumara gihapon hira hin medical mission ha 41 nga pasyente ngan nakapakaon hin sopas ha 62,000 katawo.
Nagtutdo gihapon hira hin korean language ha elementarya, high school ngan college students.
Nag abri hira hin vocational training school dinhi ha aton.
Ha ira paglakat dinhi ha aton, naghatag an korean government hin sobra P200-million nga kantidad hin heavy equipment ha national government.
