Maasin City, S. LEYTE – Igin-aro ni Southern Leyte Gov. Christopher Yap kan Presidente Rodrigo Duterte dida han pagbisita ha Maasin City nga butangan hin Malasakit Center an probinsya.
Pira la kabulan an naglabay, igintindog an Malasakit Center ha Southern Leyte Provincial Hospital.
Ha paglunsar hini dida han sabado, mismo hi Special Assistant to the President (SAP) Bong Go an nag-abri han Malasakit Center.
Sumala ha iya, an Malasakit Center an baton para waray baraydan an mga pobre nga pasyente.
“Ang malasakit center ang sasagot sa kanilang bill para maging zero balance. Pera po ito ng gobyerno na ibabalik namin sa inyo.”
An Malasakit Center ha Southern Leyte in mayada pauna nga pondo nga nagkakakantidad hin PHP5-Million nga tikang ha Office of the President Fund.
Ha pagka-yana mayada na duha nga Malasakit Center an Sinirangan Bisayas, syahan dinhi in ha Eastern Visayas Regional Medical Center (EVRMC) ha Tacloban ngan ikaduha ha Southern Leyte Provincial Hospital ha Maasin, City.
