TACLOBAN CITY – Nagpaplano na an provincial government han Southern Leyte nga magdeklara hin State of Calamity ha bug-os nga probinsya tungod han epekto han El Niño ngan ha kabarato han kopras.
Sumala kan Vice Governor Christopherson Yap, damo na iton ira nakakarawat nga araba tikang ha mga paga-uma ha ira lugar.
Syahan na dinhi an problema ha el Niño kun diin apektado an panginabuhi han mga parag-uma.
Tungod hini, ginpaghimangrawan han mga opisyal han kapitolyo kun ano an mga pitad nga ira pagbubuhaton para mabuligan an mga parag-uma.
“Mao nay among gihisgutan nga pwede ba mi magdeklarar og state of calamity kay dako man ni nga part,”Siring ni Yap ha superbalita cebu.
Syahan nga panginabuhi han nasabi nga probinsya in agrikultura.
Siring ni Yap, kasagaran nga apektado an aada ha sektor han agrikultura.
“Dili majority sa mga tawo but majority sa amo mga farmers ang apektado niini,” pasabot ni Yap.
Usa ha mga plano nga pitad han kapitolyo an tagan hin bugas an mga parag-uma nga apektado han El Niño.
“Naay pundo ang probinsya nga pwede nato iayuda nila. Mao na ang among plano puhon nga maghatag mi og napulo ka kilong bugas each farmer nga pwede matustosan ilang pang adlaw adlaw. Band aid remedy lang ni,” Siring ni Yap.
Mayada insakto nga pondo an kapiltolyo para ha ayuda pero kinahanglan daw iton sakto nga proseso para hini.
“Mo coordinate mi dayon ani sa Commission On Audit hasta sa Philippine Coconut Authority ug uban pa kay di man mapagawas ang pundo og di nato i-agi sa proseso,” pasabot ni Yap.
Naghahangyo naman an probinsya nga buligan gihapon hira han national government hini nga ira problema.
