Nagmalipayon ang Australian Sparmate ni Boxing Senator Manny Pacquaio nga si George Kambosos, Jr. human gikumpirma nga usa kini sa mga undercards sa Pacquiao – Matthyssse bout karon Hulyo 15 didto sa Kuala Lumpur, Malaysia.
Nakumpirma kini human gi-anunsyo nga ang Pinoy Boxer nga si JR “Star Boy” Magboo nga taga Batangas ang makaatbang ni-ini sa usa ka 10-round undercard fight.
Kahibaloan nga si Kambosos kasamtangang usa sa mga sparmates karon ni eight division world champion ug Sen. Manny Pacquiao.
Pagmatuod ni-ini, gawas sa ilang gihimo nga sparring sessions matud pa mi-sideline pa gihapon ang fighting senator sa pagbansay-bansay kang Kambosos.
Matud pa ni Kambosos nga nalipay kini ug naghinam-hinam nga makabalik ug saka sa boxing ring isip undercard sa dula ni Pacquiao.
