CAUAYAN CITY — IPINAHAYAG NI HOUSE SPEAKER FAUSTINO “BOJIE” DY III NA HANDA SIYANG ISAPUBLIKO ANG KANYANG STATEMENT OF ASSETS, LIABILITIES, AND NET WORTH O SALN KUNG KINAKAILANGAN UPANG MAGSILBING HALIMBAWA NG TRANSPARENCY AT PANANAGUTAN SA PAMAHALAAN.
AYON KAY DY, BUKAS ANG MABABANG KAPULUNGAN NA TUMALIMA SA MGA UMIIRAL NA PATAKARAN HINGGIL SA PAGLALABAS NG SALN NG MGA KONGRESISTA BILANG TUGON SA BAGONG KAUTUSAN NI OMBUDSMAN JESUS CRISPIN “BOYING” REMULLA NA MULING NAGBUBUKAS NG AKSES NG PUBLIKO SA SALN NG MGA OPISYAL NG GOBYERNO.
SA ISANG PANAYAM, SINABI NG SPEAKER NA POSITIBO ANG TUGON NG MARAMING MIYEMBRO NG KAMARA SA IDEYA NG MAS MALINAW AT BUKAS NA SISTEMA NG PUBLIC DISCLOSURE.
PLANO ANIYA NILANG TALAKAYIN ITO SA CONGRESSIONAL BREAK UPANG MAKABUO NG KONKRETONG PATAKARAN SA PAGSASAPUBLIKO NG KANILANG MGA SALN.
BATAY SA BAGONG MEMORANDUM NG OFFICE OF THE OMBUDSMAN, MAAARING MAKAKUHA ANG PUBLIKO NG KOPYA NG SALN NG MGA OPISYAL NG GOBYERNO SA LOOB NG SAMPUNG ARAW MATAPOS ITONG ISUMITE, NGUNIT TATANGGALIN ANG SENSITIBONG PERSONAL NA IMPORMASYON.
IPINANAWAGAN DIN NI DY ANG PAGBABALIK NG DATING KALAKARAN KUNG SAAN MALAYANG NASUSURI NG PUBLIKO ANG MGA SALN NG MGA OPISYAL.
ANIYA, ANG PAGBABALIK NG GANITONG SISTEMA AY MAKATUTULONG UPANG MAPALAKAS ANG TIWALA NG MAMAMAYAN SA KANILANG MGA LINGKOD-BAYAN.
KUNG MAISASAKATUPARAN ANG REPASO, MAGIGING UNANG HAKBANG ITO NG KAMARA SA PAGPAPATIBAY NG MAS MALINAW AT BUKAS NA SISTEMA SA PAGLALABAS NG SALN NA ISANG HAKBANG NA SUMASALAMIN SA LAYUNIN NG LIDERATO NI DY NA ISULONG ANG PANANAGUTAN AT KATAPATAN SA ILALIM NG PAMAHALAANG TUNAY NA BUKAS SA TAUMBAYAN.
