Ang Special Anti-Terrorism Operation nga gimugna sa Task Force Zamboanga del norte anti-terrorism Unit (ZATU) gilangkuban kini sa 24 ka membro, 11 ka PO1, 10 ka PO2, 3 ka PO3, gipangunahan kini sila sa ilang Team leader nga si P/Insp Adrian Angelo Pesigan Del Rosario.
Gimugna kini pinaagi sa inisyatibo ni Acting Provincial Dir. PSSupt. Raul M. Tacaca aron mo tabang sa pakigbatok sa kidnapping ug sa terrorismo dinhi sa atong probinsya.
Kahinumduman sa paglingkod ni PSSupt Tacaca isip Provincial Director dinhi sa atong probinsya adunay gidagit nga anak ni Labason Mayor Quimbo gani hangtod sa pagkakaron wala pa kini gibuhian sa midagit sa biktima.
Ang sakop sa Special Anti-Terrorism Operation (SATO) adunay bag-ong 12 ka M16 Riffle, 16 ka Bullet proof, usa ka four wheel vehicle, 3 ka single motor nga sarang ilang magamit sa operasyon, kining tanan hinatag kini sa Philippine National Police (PNP).
Mihatag usab ug lima ka XRM single motor kolor blue ang lima ka dagkong mga negosyante dinhi sa atong dakbayan sa Dipolog.
Kahibaloan ang 24 ka membro sa Special Anti-Terrorism Operation gikan kini sila nagsilbi sa mga pribadong Indibidwal nga gihimong private bodyguard ug karon gibansay aron motabang sa operasyon sa pakigbatok dili lang sa terorismo apan lakip na ang nagkadaiyang krimen dinhi sa atong probinsya.
