Davao City – Agi’g subay sa suliran sa katawhan ilabi na sa umaabot nga Licensure Examination for Teachers (LET) subay sa Alveo Ironman 70.3 nga ipahigayon karong Domingo, Marso 25, adunay special bus trip ang City Transport and Traffic Management Office (CTTMO) alang sa mga byahero.
Sa gipahigayong iSpeak Forum karong adlawa, gibutyag ni CTTMO chief Ret. Col. Dionisio Abude nga adunay ipang deploy nga mga bus sa mga apektadong lugar nga mobyahe paingon sa Davao sama sa Tagum, Carmen ug Panabo.
Duha ka mga bus ang moparada may Jollibee highway sa Pioneer St. sa syudad sa Tagum, usa naka standby atbang sa munisipyo sa Carmen ug usa usab ka bus sa may pedestrian overpass sa Panabo.
Giawhag ni Abude ang mga mobyahe nga magsayo gumikan maghulat lamang ang mga bus alas 3:00 sa kadlawon dayon molakaw inig 3:30 diin moagi sa Maharlika highway.
Gitataw ni Abude, sugod alas 10:00 pa lamang sa kagabhion magsugod na sila sa ilang clearing operations diin ipang-tow ang mga sakyanan nga makitang nakaparking sa national highway.
Dugang niini, mamahimong mo-agi na lamang sa alternative route ang mga mabilin nga pasahero paingon sa Davao City.
RadyoMaN Jason Amisola
