Sa report sa DCPO, dead on the spot ang maong biktima samtang samdan apan stable na ang kondisyon sa driver niini nga si Junie Castro, 50 anyos, ug laing usa ka paryente sa asawa sa biktima nga giila nga si Alama Lozentez, 57 anyos. Nahitabo ang pagpamusil kagahapong adlawa, alas 10:00 sa buntag, November 22, 2023 sa parking area sa usa ka fast food chain sa KM-5, Barangay Buhangin, Davao City.
Sa pakighinabi sa DXDC RMN Davao kang Police Captain Hazel Tuazon, ang tigpamaba sa DCPO, gibutyag niini nga karong adlawa, Nobyembre 23, 2023, ilang iplastar ang Special Investigation Task Group (SITG) – Castillones aron nga mapaspasan ang pagsulbad sa kaso ilabi na sa pag-ila ug pagsikop sa suspetsado.
Segun ni Tuazon nga lakip sa imbestigahan ang anggulo nga pulitika.
“Former Mayor man siya sa Cateel, naa pod siya’y anak nga nakadaug (pagka Barangay Captain niadtong eleksyon). Ato nang gitan-aw ang pulitika or personal…,” tipik sa pamahayag ni Tuazon.
Nahibaloan nga niadtong 1980s nahimong mayor sa Cateel ang biktima.
RadyoMaN Don Pulayao
