Dili palang dugay ang dagkong opisyal sa gobyerno lakip na si Regional Director sa Police Regional Office – 9 nga si PCSupt. Billy B. Beltran, misalmot sa gipahigayon nga panagtapok uban sa Indigeneous Cultural Communities (ICCs) dinhi sa tibuok Zamboanga Peninsula, aron makig binayloay sa opinyon kun unsay mas labing maayo nga buhaton alang sa kalambuan ug kaayohan sa katawhan.
Didto kini gipahigayon sa dakbayan sa Dapitan partikular sa iladong tulonghaan sa kolehiyo nga mao ang Jose Rizal Memorial State University (JRMSU).
Ang maong panagtapok, gawas sa pagsalmot sa Regional Director sa Kapulisan anaa usab ang mga opisyales sa gobyerno gikan sa National Govermernt nga sila si Secretary of the Cabinet and concurrently the Chairman of Housing and Urban Development Coordinating Council of Rodrigo Duterte’s administration nga si Leoncio “*Jun*” Badilla *Evasco* Jr., National Commission on Indigeneous People Chairperson Leonor T. Oralde-quintayo; Department of Social Welfare and Development Usec./OIC Emmanuel A. Leyco ug daghanan pa.
Anaa usab ang nagkadaiyang mga pangulo sa Indigenous Cultural Communities (ICC) gikan sa nagkadaiyang kalungsuran sa tibuok Zamboanga Peninsula, ug mga pinili nga mga Mayores.
Pipila sa ilang mga Agenda nga gihisgutan mao man ang pag hisgot sa Isyu sa Ancestral Domain sa lungsod sa Siayan, Gutalac, Ug Midsalip; Sustainable Development Protection Plan; Illegal Mining ug Illegal Quarrying; Illegal Transfer of Rights; Assistance of IPs/ICCs; Delineation of Ancestral Domain; Peace and Order situation sa lungsod sa Midsalip, Zamboanga del Sur; ug uban pang mga hisgutanan may kalabot sa ilang mga agenda.
Dako usab ang pasalamat sa mga pangulo sa Indigenous People nga gihatagan sila ug kahigayonan nga madungog ang ilang tingog pinaagi sa mga dagkong opisyal sa gobyerno nga nagpahigayon sa maong panagtapok.
