Nagkasa na ng special relief flight para sa mga Pilipino sa Myanmar ang Embahada ng Pilipinas sa nasabing bansa.
Itinakda sa ika-30 ng Agosto ang biyahe pauwi ng Pilipinas sa pamamagitan ng Yangon-Vientiane Manila Special Relief Flight via Myanmar National Airlines o MNA.
Hinihikayat ng Embahada ang mga Pilipino sa Myanmar na gusto nang umuwi sa Pilipinas na magparehistro hanggang sa Linggo, ika-22 ng Agosto 2021.
Sa mga Pilipinong kailangan ng tulong para sa pamasahe pauwi sa Pilipinas, maaaring makipag-ugnayan sa Embahada sa pamamagitan ng kanilang email address: yangonpe.atn@gmail.com.
Samantala, sa mga Pilipino sa Myanmar na interesadong magpabakuna ng COVID-19 vaccine, magparehistro lamang para sa survey ng Embahada.
Facebook Comments
