Davao City- Magpahigayon og special session ugmang adlawa ang mga konsehal dinhi sa dakbayan aron tukion ang pag gamit sa nahibiling disaster funds sa syudad sa Davao.
Sa usaka media interview, miingon si Davao City Mayor Inday Sara Duterte Carpio nga nag request na kini sa City Council nga gamiton ang 86 million pesos calamity fund alang sa mga nabahaang pamilya dinhi sa dakbayan gumikan sa bagyong Vinta.
Subay niini, miingon si Mayor Inday nga nag request na usab kini sa konseho nga ipailawom ang syudad sa ‘State of Calamity’ apan iya pang klarohon kung ang tibuok syudad ba ang ipailawom niini o ang pipila lamang ka mga lugar nga naapektohan sa pagbaha.
Nasayran nga aduna nay 18,603 families ug 25 ka mga barangay ang naapektohan sa pagbaha as of 6pm kagabii.
Giingon usab sa mayor nga ila pang klarohon kung maapil ba sa disaster fund ang nahitabong sunog sa NCCC Mall of Davao.
RadyoMaN Abi Bibera
