Magatukod ang Philippine National Police sang special task group nga magatutok sa pag-imbestigar sa natabu nga pagpatay kay Ako Bicol Partylist Representative Rodel Batocabe.
Suno kay PNP Chief Oscar Albayalde, makabulig sa madasig nga aksyon kon may isa ka grupo nga magasunod sa development sang kaso.
Nag-apelar man ang pinuno sang pulis sa publiko nga magkooperar sa mga otoridad kon pananglitan may impormasyon nga makabulig sa ila pagpangusisa.
Kadungan sang pagpakamalaut sa natabu, nagpalab-ot naman sang pagpakigbuylog ang PNP sa pamilya Batocabe, pati na sa mga himata sang security escort sini nga si SPO1 Rolando Diaz.
(photo from web)
Facebook Comments
