Davao City – Kapin usa ka libo ang naghulat nga mga bakanteng trabaho alang sa mga estudyanteng buot musulod og part-time ug alang sa mga Out-of-school youth (OSY) karong tuig 2019 subay sa Special Program for Employment of Students (SPES).
Sa pakighinabi sa DXDC RMN Davao kang Lilibeth Pantinople sa Public Employment Service Office kun PESO-Davao, maayo ang pagsugat sa bag-ong tuig alang sa mga estudyante ug OSY nga buot mag part-time diin 15-30 years old ang pwedeng mangapply apan sagad ginapangita sa mga employers nag edad og 17 yeard old – 30 years old.
Sumala niya nga mamahimong muadto lang sa ilang opisina sa Almendras Gym Compound sa Quimpo Blvd. ning syudad aron magpalista diin human og palista, mamahimong maghulat lang og tawag alang sa interview.
Dugang pa nga magdala lang og birth certificate ug school records sa pagpangapply.
Gibutyag usab ni Pantinople nga minimum ang sweldo niini diin 40 % maggikan sa Department of Labor and Employment kun DOLE samtang 60% maggikan sa kumpanya.
RadyoMaN Renz Barbarona
