Davao City – Miarangkada karong adlawa, October 29, 2021, ang vaccination sa mga batang nag-edad 12-17 anyos nga adunay mga medical conditions nahitabo sa Southern Philippines Medical Center (SPMC).
Anaa sa 200 ka mga bata ilawom sa A3 category ang naka-schedule nga bakunahan karong adlawa.
Matud ni SPMC Chief Dr. Ricardo Audan, sukad sa pag-arangkada sa A3 pedia vaccination kaganihang alas-8:00 sa buntag walay mga natalang adverse events sa mga teen vaccinees.
Sunod semana magpadayon gihapon ang vaccination ug target sa SPMC nga humanon usa og bakuna ang anaa sa 1,000 ka mga anak sa ilahang mga empleyadong adunay mga comorbidities.
Ang ginikanang si Jomari Buat wala magduha-duha nga pabakunahan ang iyahang anak nga si Jolo Bryan Buat nga adunay asthma tungod kay bulnerable kining mataptan sa COVID-19.
RadyoMaN Aimee Guinita
