Davao City – Hitsas na ang Southern Philippines Medical Center (SPMC) kung aduna may mga pasyenteng tambalan tungod nabiktima sa pabuto karong Bag-ong Tuig.
Gibutyag ni Dr. Ricardo Audan, Southern Philippines Medical Center (SPMC) chief activated na ang ilang Emergency Medicine (EMED) Emergency Room and Trauma Complex lakip na ang mga gamit. Naka-standby usab ang tanang doktor, nurses ug staff aron mag-atiman sa mga pasyente.
Sumala ni Audan, niadtong Disyembre 26, usa ka 23 anyos nga lalaki nga taga-Davao City ang biktima sa pabuto sa Samal nga gidala sa SPMC ug na-discharge na kini.
Ingon niya, tungod sa hugot nga implementasyon sa ordinansa sa dakbayan sa Davao batok pabuto, nagpabiling zero ang kaso sa mga nabiktima sa pabuto sa syudad ug nanghinaot kini sa publiko nga dili nalang mugamit og mga firecrackers para sa luwas nga pagsugat sa Bag-ong Tuig.
RadyoMaN Aimee Guinita
Facebook Comments
